الیکشن کمیشن کااین اے75 ڈسکہ معاملے کی فیکٹ فائنڈنگ انکوائری کا اعلان – Pakistan

اسلام آباد:الیکشن کمیشن نے این اے 75 ڈسکہ ضمنی الیکشن میں لاپتہ پریذائڈنگ افسران کے معاملے کی فیکٹ فائنڈنگ انکوائری کا اعلان کردیا۔

این اے 75 ڈسکہ ضمنی الیکشن میں لاپتہ پریذائڈنگ افسران کے معاملے کی فیکٹ فائنڈنگ انکوائری کا اعلان کردیا گیا، الیکشن کمیشن نے فیکٹ فائنڈنگ کیلئے انکوائری آفیسر مقرر کردیا۔

الیکشن کمیشن کی جانب سے جاری نوٹیفکیشن کے مطابق صوبائی جوائنٹ الیکشن کمشنر پنجاب سعید گل انکوائری آفیسر ہوں گے،انکوائری کمیشن پریذائڈنگ افسران اور سیکیورٹی عملے کی ڈیوٹی کی خلاف ورزیوں کی جانچ کرے گا،انکوئری افسر ماہرین اور اداروں سے مدد لے سکے گا، لاپتہ پریذائڈنگ افسران صبح تک کہاں رہے سائنسی طور پر پتہ چلایا جائے گا۔

الیکشن کمیشن کے مطابق انکوائری افسر لاپتہ پریذائڈنگ افسران کے بیانات بھی ریکارڈ کرے گا، انکوائری میں ٹرانسپورٹیشن اور سیکیورٹی پلان کا بھی جائزہ لیا جائے گا ۔

الیکشن کمیشن کا کہنا ہے کہ مبینہ کرپٹ پریکٹس میں ملوث افسران کا تعین کیا جائے گا،الیکشن کمیشن رزلٹ ٹمپرنگ اور عملے کو لاپتہ کرنے میں مدد دینے والوں کا تعین بھی کیا جائے گا ،انکوائری آفیسر15مئی تک اپنی رپورٹ الیکشن کمیشن کوپیش کرے گا۔

About Aaj News

Avatar

Check Also

وزیراعظم کا اسلاموفوبیا پر لکھا گیا خط سوشل میڈیا پر دوبارہ شیئر

وزیراعظم عمران خان کا اسلاموفوبیا پر لکھا گیا خط سوشل میڈیا پر دوبارہ شیئر کردیا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے