اندرون ملک سفر کرنے والوں کیلیے اچھی خبر

اسلام آباد : سول ایوی ایشن نے رمضان کے دوران  اندرون ملک پروازوں میں افطاری اور کھانے کی فراہمی کی تجاویز دے دی، کوروناکےباعث اندرون ملک پروازوں میں کھانےپینے کی سہولت پرپابندی ہے۔

تفصیلات کے مطابق رمضان المبارک میں اندرون ملک پروازوں پر افطاری اور کھانے کی فراہمی سے متعلق تجاویز مرتب کرلی گئیں، اس حوالے سے  سول ایوی ایشن اتھارٹی نے این سی او سی اور جوائنٹ سیکرٹری ایوی ایشن ڈویڑن کو تجاویز پر مبنی مراسلہ ارسال کر دیا ہے۔

مراسلے میں کہا ہے کہ کورونا کے باعث اندرون ملک فلائٹس میں دوران پروازوں پر اشیائے خورونوش کی فراہمی پر پابندی ہے تاہم رمضان المبارک میں ائر لائنز کو روزداروں کے لیئے خاص انتظامات کر نے کی اجازت دی جائے۔

سول ایوی ایشن اتھارٹی کا کہنا ہے کہ ایئرلائنز روزداروں کے لئے افطاری باکس چیک ان کاونٹر پر افطاری کے وقت فراہم کریں اور رمضان المبارک میں دوران پرواز مسافروں کو فیس ماسک پہننے اور ایس اوپیز پر عملدرآمد کی تاکید کی جائے۔

یاد رہے گذشتہ ماہ سول ایوی ایشن اتھارٹی نے پروازوں میں مسافروں کو کھانا پیش کرنے پر عائد پابندی اٹھانے کی تجویز  دی تھی ، سول ایوی ایشن اتھارٹی نے ایوی ایشن ڈویژن کو خط لکھا تھا۔

جس میں ڈائریکٹرایئرٹرانسپورٹ نے کہا تھا  کہ کورونا پھیلاؤ روکنے میں قومی کاوشیں کامیاب رہیں، این سی او سی سے پابندی اٹھانے کیلئے رجوع کیا جاسکتا ہے اور پروازوں پرکھانے اور مشروبات پیش کرنے کی اجازت دی جاسکتی ہے۔

خیال رہے این سی او سی کی ہدایت پر ایئرلائنز کو اندرون ملک پروازوں میں کھانا پیش کرنے سے منع کیا گیا تھااور پابندی عائد کی تھی۔

Comments

About Ary News

Avatar

Check Also

اپوزیشن حکومت کے لیے کوئی مسئلہ نہیں ہے، غلام سرورخان

وفاقی وزیر برائے ہوا بازی غلام سرور خان نے کہا ہے کہ پی ڈی ایم …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے