لاہور : قومی کرکٹ ٹیم کے ہیڈ کوچ مصباح الحق کا کہنا ہے کہ امید ہے ٹیسٹ سیریز تک تیاریاں مکمل ہوجائیں گی، ہماری بیٹنگ تجربے کار ہے، امید ہے اچھی پرفارمنس ہوگی۔
تفصیلات کے مطابق پاکستان کرکٹ ٹیم کے ہیڈ کوچ مصباح الحق نے دورہ انگلینڈ سے متعلق گفتگو کرتے ہوئے کہا کہ انگلینڈ میں ریکارڈ اچھا ہے ،کافی پلیئرز انگلینڈ میں کھیلے ہوئے ہیں۔
قومی ٹیم کے ہیڈ کوچ کا کہنا تھا کہ آسٹریلیا مشکل ٹور تھا ، انگلینڈ کا دورہ اس سے مختلف ہے، امید ہے ٹیسٹ سیریز تک تیاریاں مکمل ہوجائیں گی۔
مصباح الحق کا کہنا تھا کہ دورہ آسٹریلیا کے مقابلے میں اس وقت ٹیم بہتر ہے، ہماری بیٹنگ تجربے کار ہے ،امید ہے اچھی پرفارمنس ہوگی، تمام کوچز اپنا اپنا کام کر رہے ہیں، بطور ٹیم کام کر رہے ہیں۔
قومی ٹیم کے ہیڈ کوچ مصباح الحق کا مزید کہنا تھا کہ بیٹسمینوں نے یہاں رنز بنائے ہوئے ہیں، امید ہے تجربے سے فائدہ ملے گا۔
یاد رہے کہ آئندہ ماہ پاکستان اور انگلینڈ کے درمیان تین ٹیسٹ میچ اور تین ٹی ٹوینٹی میچز کی سیریز کھیلی جائے گی۔
واضح رہے کہ قومی ٹیم کے چھ کھلاڑیوں پر مشتمل قومی اسکواڈ کا دوسرا گروپ غیر ملکی ایئر لائن کی پرواز سے مانچسٹر پہنچ گیا ہے۔
اس سے قبل 25 جون کو قومی ٹیم کے پہلے اسکواڈ نے لاہور ایئرپورٹ سے خصوصی طیارے میں مانچسٹر کے لیے اڑان بھری تھی، اسکواڈ میں 20 کھلاڑی اور 11 مینجمنٹ کے اراکین شامل تھے۔
0
20
