تاجر برادری نے ایف بی آر کے نوٹس مرے کو مزید مارنے کے مترادف قرار دے دیا

کورونا وائرس کے باعث کاروبار نہ ہونے کے برابر،نوٹسز واپس لیے جائیں،انجمن تاجران(فوٹو، فائل)

 اسلام آباد: آل پاکستان انجمن تاجران اور ٹریڈرز ایکشن کمیٹی اسلام آباد کے صدر اجمل بلوچ، سیکریٹری اور آئی سی سی آئی کے سابق سینئر نائب صدر خالد چوہدری، جی بارہ ٹریڈرز کے صدر اور آئی سی سی آئی کے ایگزیکٹیو ممبر محبوب احمد خان نے کہا ہے کہ ایف بی آر نے تمام پراپرٹی ڈیلرز اور کئی دوسرے تاجروں کو منی لانڈرنگ کے قانون کے تحت رجسٹرڈ کر کے ان کو نوٹس جاری کر دیے ہیں۔

ان میں سے بے شمار ایسے ہیں جنہوں نے وزیراعظم کنسٹرکشن پیکج کے تحت ایمنسٹی حاصل کر رکھی ہے جس کی وجہ سے تاجر برادری میں سخت تشویش پائی جاتی ہے،گزشتہ روز یہاں سے جاری کردہ اپنے مشترکہ بیان میں انکاکہنا تھا کہ ایف بی آر کا یہ اقدام ایف بی آر اور تاجر برادری کے نمائندوں کے درمیان ہونے والے معاہدے کی خلاف ورزی ہے۔

گزشتہ ڈیڑھ سال سے تاجر برادری کورونا وائرس سے متاثر ہے جبکہ کاروبار نہ ہونے کے برابر ہیں، ابھی بھی دو روزہ لاک ڈاؤن کا سلسلہ جاری ہے جس کی وجہ سے کاروباری حجم سکڑ چکا ہے جبکہ ایف بی آر کی طرف سے جاری کردہ نوٹس مرے ہوئے کو مزید مارنے کے مترادف ہے۔

About Express News

Avatar

Check Also

کولڈرنکس کا استعمال کس حد تک نقصان پہنچا سکتا ہے؟ تحقیق نے بتادیا

سائنسی اعتبار سے کولڈرنکس کا استعمال انسانی صحت کے لئے تک آج تک فائدے مند …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے