جنوبی پنجاب کی محرومیوں کے ازالے کا آغاز ہو چکا ہے: وزیر خارجہ –

لاہور: وزیر خارجہ شاہ محمود قریشی اور وزیر اعلیٰ پنجاب سردار عثمان بزدار کی ملاقات ہوئی جس میں جنوبی پنجاب کے معاملات زیر بحث آئے۔ وزیر خارجہ شاہ محمود قریشی کا کہنا ہے کہ ملتان سمیت جنوبی پنجاب کی محرومیوں کے ازالے کا آغاز ہو چکا ہے۔

تفصیلات کے مطابق وزیر اعلیٰ پنجاب عثمان بزدار سے وزیر اعلیٰ آفس میں وزیر خارجہ شاہ محمود قریشی کی ملاقات ہوئی۔ ملاقات میں جنوبی پنجاب سیکریٹریٹ، ترقیاتی منصوبوں اور دیگر امور پر تبادلہ خیال کیا گیا۔

وزیر اعلیٰ پنجاب نے شاہ محمود قریشی کو جنوبی پنجاب سیکریٹریٹ سے متعلق آگاہ کیا، وزیر اعلیٰ کا کہنا تھا کہ جنوبی پنجاب تحریک انصاف کے دور حکومت میں ریکارڈ ترقی کرے گا، اسکولوں کی اپ گریڈنگ میں جنوبی پنجاب کو 38 فیصد حصہ دیا گیا ہے۔

عثمان بزدار کا کہنا تھا کہ شکست خوردہ عناصر جنوبی پنجاب سیکریٹریٹ ختم کرنے کا پروپیگنڈا کر رہے ہیں، پاکستان تحریک انصاف کو جنوبی پنجاب میں عوام نے فیصلہ کن برتری سے نواز، تحریک انصاف جنوبی پنجاب سمیت تمام پسماندہ علاقوں کی محرومیوں کا ازالہ کرے گی۔

انہوں نے کہا کہ جنوبی پنجاب کو صوبہ بنانے کا اعزاز بھی پاکستان تحریک انصاف کو ہی حاصل ہوگا، جنوبی پنجاب کے سیکرٹریز کو بااختیار کر رہے ہیں تاکہ عوام کو لاہور نہ آنا پڑے، باقاعدگی سے ہر ماہ ملتان جا کر ترقیاتی منصوبوں اور دیگر امور کا جائزہ لوں گا۔

وزیر اعلیٰ کا کہنا تھا کہ کابینہ اجلاس بھی ملتان میں ہوگا، صوبائی وزرا ایک ایک دن جنوبی پنجاب میں بیٹھیں گے، جنوبی پنجاب کی 70 سالہ محرومیوں کا ازالہ کرنا چاہتے ہیں، ملازمتوں کا کوٹہ مخصوص کرنے پر قانون سازی بھی کی جارہی ہے۔

وزیر خارجہ شاہ محمود قریشی کا کہنا ہے کہ جنوبی پنجاب سیکریٹریٹ پر وزیر اعلیٰ پنجاب کا فوری ایکشن قابل تحسین ہے، انہوں نے بروقت ایکشن لے کر افواہوں کا خاتمہ کردیا۔

انہوں نے کہا کہ ملتان سمیت جنوبی پنجاب کی محرومیوں کے ازالے کا آغاز ہو چکا ہے۔

Comments

About Ary News

Avatar

Check Also

گورنر سندھ عمران اسماعیل سے مراد علی شاہ کی ملاقات – Pakistan

وزیر اعلٰی اور گورنر سندھ کی ملاقات میں کورونا وبا کا پھیلاو روکنے کیلئے احتیاطی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے