حکومت کا رمضان المبارک میں مساجد کیلئے ایس اوپیز طے کرنے کا فیصلہ

عالمی وباء کورونا وائرس کے تیزی سے بڑھتے ہوئے کیسز کے پیش نظر وفاقی حکومت کی جانب سے رمضان المبارک میں مساجد کیلئے ایس او پیز طے کرنے کا فیصلہ کرلیا گیا ہے۔

تفصیلات کے مطابق وفاقی حکومت نے کورونا کی تیسری لہر میں شدت کے بعد ملک بھر کی مساجد کے لیے ایس او پیز طے کرنے کا فیصلہ کیا ہے۔

اس حوالےسے صدر مملکت ڈاکٹرعارف علوی کی سر براہی میں گورنرز، وفاقی وزیرمذہبی امورنورالحق قادری، صوبائی افسران اور علماء کی ویڈیو کانفرنس ہوئی ہے۔

کانفرنس کے دوران صدر پاکستان نے کہا ہے کہ کورونا کے خلاف جنگ میں علماء کا بھی اہم کردار ہے اور ہم ان کو ساتھ لے کر چل رہے ہیں، عالمی وباء سے بچاؤ کے لیے ایس اوپیز پر عملدرآمد ناگزیر ہے۔

اس موقع پر گورنر پنجاب چوہدری سرور نے کہا کہ علمائے کرام حکومت سے تعاون کریں اور کورونا سے بچاؤ کے لیے ویکسین ضرور لگوائیں۔

چوہدری سرور نے مزید کہا کہ حکومت مساجد کو بند نہیں کرنا چاہتی، تاہم22 کروڑ پاکستانیوں کو کورونا سے بچانا ہے جس کے لیے حفاظتی تدابیر پر عملدرآمد ضروری ہے۔

انہوں نے مزید کہا کہ مساجد اور مدارس کے حوالے سے تمام فیصلے علماء کی مشاورت سے ہی کیے جائیں گے۔

About Bol News

Avatar

Check Also

وزیراعظم کا آج قومی اسمبلی کے اجلاس میں شرکت کا امکان

وزیراعظم عمران خان کا آج قومی اسمبلی کے اجلاس میں شرکت کا امکان ہے۔ تفصیلات …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے