ریڈیو اور فلمی دنیا کی معروف گلوکارہ نگہت سیما کی برسی –

ریڈیو، ٹیلی وژن اور فلمی دنیا کی مشہور گلوکارہ نگہت سیما 4 اپریل 2006ء کو طویل علالت کے بعد کراچی میں وفات پاگئی تھیں۔ آج ان کی برسی ہے۔ اجمیر سے تعلق رکھنے والی نگہت سیما کا گایا ہوا فلمی گیت میرا چن ماہی کپتان اپنے زمانے کے مقبول ترین گیتوں میں سے ایک ہے۔

نگہت سیما کی گلوکاری اور ان کی آواز میں ریکارڈ کیے گئے گیتوں کی فہرست طویل نہیں اور یہ کہنا بھی مشکل ہے کہ انھوں نے سب سے پہلے کس فلم کے لیے نغمات ریکارڈ کروائے، کہا جاتا ہے کہ انھیں 1963ء میں فلم چھوٹی بہن کے ذریعے فلمی دنیا میں قدم رکھنے کا موقع ملا۔ انھوں نے فلم آزادی یا موت کے نغمات ریکارڈ کروائے تھے جن میں میرا چن ماہی کپتان بہت مقبول ہوا جب کہ بعض تذکروں میں آیا ہے کہ نگہت سیما کا فلم گائیکی کا سفر 1963ء کی فلم جب سے دیکھا ہے تمہیں سے شروع ہوا تھا، لیکن ریکارڈ سے اس کی تصدیق نہیں ہوتی۔

ان کی آواز ریڈیو پاکستان اور ٹیلی وژن کی بدولت ملک بھر میں سنی گئی اور ان کے گائے ہوئے متعدد نغمات پسند کیے گئے۔ ریڈیو کے لیے انھوں نے زیادہ تر کلاسیکی غزلیں اور گیت گائے۔

انھوں نے دو گانے بھی گائے اور انفرادی حیثیت میں بھی اپنی آواز کا جادو جگایا۔ نگہت سیما نے اردو اور پنجابی دونوں زبانوں میں گیت ریکارڈ کروائے۔ گیت گاتی ہیں خوابوں کی پرچھائیاں ، پیار لینے لگا انگڑائیاں..، کلی حسرتوں کی نہ کھل سکی، تیرا پیار راس نہ آ سکا..، کے علاوہ ان کے متعدد گیت آج بھی پاکستان فلم انڈسٹری کے اُس سنہرے دور کی یادگار ہیں۔

Comments

About Ary News

Avatar

Check Also

صدف کنول کس اداکارہ کے ساتھ اپنے شوہر کو کام کرنے نہیں دینگی؟ نام سامنے آگیا

پاکستانی شوبز انڈسٹری کی سپر ماڈل اور اداکارہ صدف کنول نے اپنے اداکارشوہر شہروز سبزواری …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے