عمان میں وبائی مرض ’کروناوائرس‘ سے متعلق ایس او پیز کی خلاف ورزی پر ملکی وغیرملکی ملازمین کو 300 قطری ریال تک جرمانہ ہوسکتا ہے۔
غیرملکی خبررساں ادارے کی رپورٹ کے مطابق عمان میں نجی شعبے کے ملازمین سے متعلق نئے قوائط سامنے آئے ہیں، اگر ورکرز نے آپس میں بھیڑ جمع کرلی، یا سفر کے دوران ایک سیٹ کا فیصلہ نہ رکھا تو 300 عمانی ریال تک جرمانہ ہوگا۔
رپورٹ کے مطابق عمانی سپریم کمیٹی کے کرونا سے متعلق احکامات کو نجی ملازمت کے شعبے پر عمل درآمد کرانے کے لیے متعلقہ ادارے نے نئے جرمانے کی حدیں طے کی ہیں۔
محکمہ افرادی قوت کا کہنا ہے کہ جن اداروں کے اندر ملازمین ایس او پیز کی خلاف ورزی کرتے پائے گئے تو ناصرف ورکرز پر جرمانہ ہوگا بلکہ کمپنی یا ادارہ بند بھی کیا جاسکتا ہے۔
رپورٹ میں کہا گیا ہے کہ مختلف خلاف ورزی کے مختلف جرمانے ہیں جس کی حد 100 ریال سے 500 عمانی ریال تک ہے۔
