غربت کی شرح میں کمی حکومت کی اولین ترجیحات میں شامل ہے، وزیر خارجہ

وزیر خارجہ شاہ محمود قریشی کا کہنا ہے کہ  دیرپا ترقی کا حصول اور غربت کی شرح میں کمی ہماری حکومت کی اولین ترجیحات میں شامل ہے۔

تفصیلات کے مطابق    وزیر خارجہ  شاہ محمود قریشی کی اسسٹنٹ سیکرٹری جنرل یو این ڈی پی و ڈائریکٹر ریجنل بیورو فار ایشیاء پیسیفک مس کانی وگنا راجہ سے ورچوئل ملاقات ہوئی۔

پاکستان میں تعینات یو این ڈی پی کے ریزیڈنٹ نمائندے مسٹر ’کنوٹ اوسٹبی‘بھی اس موقع پر موجود تھے۔

دوران ملاقات پاکستان میں یو این ڈی پی کے جاری منصوبوں سمیت باہمی دلچسپی کے امور پر تبادلہ  خیال کیا گیا۔

وزیر خارجہ نے پاکستان میں ترقیاتی منصوبوں کے حوالے سے یو این ڈی پی کے کردار کو سراہتے ہوئے کہا کہ   دیرپا ترقی کے اہداف 2030 کے حصول میں یو این ڈی پی کی معاونت قابل تحسین ہے ۔

شاہ محمود قریشی نے کہا کہ  ہم معاشی سفارت کاری کو موثر انداز میں آگے بڑھا رہے ہیں ۔ ہم نے اپنی جغرافیائی سیاسی ترجیحات کو جغرافیائی معاشی ترجیحات میں تبدیل کیا ہے ۔

انہوں نے مزید کہا کہ  ہمیں توقع ہے کہ یو این ڈی پی پاکستان کے پسماندہ اور دیہی علاقوں تک اپنے منصوبوں کا دائرہ کار بڑھائے گی۔

وزیر خارجہ نے ’ایس ڈی جی، انوسٹمنٹ فیئر 2021 ‘کے انعقاد اور’ایس ڈی جی انوسٹر میپ‘کی تیاری میں یو این ڈی پی کی  تکنیکی معاونت کی  بھی تعریف کی۔

اسسٹنٹ سیکرٹری جنرل یو این ڈی پی و ڈائریکٹر ریجنل بیورو فار ایشیاء پیسیفک مس کانی وگنا راجہ نے پاکستان کی تعمیر و ترقی  کے لیے یو این ڈی پی کی جانب سے معاونت جاری رکھنے کا عندیہ دیا۔

About Bol News

Avatar

Check Also

وزیر خارجہ دورہ ایران کے تیسرے روز مشہدِ مقدس پہنچ گئے

وزیر خارجہ مخدوم شاہ محمود قریشی اپنے دورہ ایران کے تیسرے روز جمعرات کو مشہدِ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے