فاسٹ بولر حسن علی کے گھر ننھی پری کی آمد

لاہور: قومی کرکٹ ٹیم کے فاسٹ بولر حسن علی کے ہاں بیٹی کی پیدائش ہوئی ہے۔

تفصیلات کے مطابق فاسٹ بولر حسن علی نے سماجی رابطے کی ویب سائٹ ٹوئٹر پر اپنے آفیشل اکاؤنٹ سے جاری بیان میں مداحوں کو خوشخبری دی کہ اللّٰہ نے انہیں بیٹی کی رحمت سے نوازا ہے۔

فاسٹ بولر حسن علی نے خوشی سے سرشار اپنے ٹوئٹ میں لکھا کہ ننھی شہزادی کو ہماری فیملی میں خوش آمدید، اللہ اس ننھی پری کے ہر خواب پورے کرے۔

اس کے ساتھ ہی قومی ٹیم کے فاسٹ بولر حسن علی نے لکھا کہ براہِ کرم ہماری فیملی کو اپنی دعاؤں میں یاد رکھیں۔

خدا کی رحمت کی آمد پر مداحوں کی جانب سے کرکٹر حسن علی کو مبارکباد دینے کا سلسلہ شروع ہوگیا ہے۔

مخالف ٹیم کے کھلاڑی کو آؤٹ کرنے کے بعد دلکش انداز میں جشن منانے والے کرکٹر حسن علی بیس اگست دوہزار انیس میں بھارتی دوشیزہ سامعہ آرزو سے رشتہ ازدواج میں منسلک ہوئے تھے۔

حسن علی کی اہلیہ سامعہ آرزو کا تعلق بھارتی ریاست ہریانہ سے ہے، انہوں نے مانو رچنا یونیورسٹی سے ایرو ناٹکس کی ڈگری حاصل کر رکھی ہے، وہ متحدہ عرب امارات (یو اے ای) کی ایمریٹس ایئرلائن میں بطور فلائٹ انجینئر خدمات سر انجام دیتی ہیں، سامعہ آرزو متحدہ عرب امارات میں مقیم ہیں۔

Comments

About Ary News

Avatar

Check Also

باغی سپر لیگ نے یورپی فٹبال کی یکجہتی میں دراڑ ڈال دی

15فاؤنڈنگ سائیڈزکو3.5بلین یوروصرف انفرااسٹرکچرکیلیے ملیں گے،شائق کا سوچیں،برطانوی وزیر اعظم۔ فوٹو: فائل پیرس:  یورپی فٹبال …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے