’’فوٹیج وائرل کیوں کی‘‘ ڈکیت نے دوبارہ جوس کی دکان لوٹ لی

جامعہ کراچی کے قریب ڈکیت نے ایک ہی دن میں2بارجوس کی دکان لوٹی،دکاندارکافوٹیج میڈیاکودینے سے انکار۔ فوٹو: فائل

 کراچی:  یونیورسٹی روڈ جامعہ کراچی کے قریب ڈکیت ایک دن میں 2 بار جوس کی دکان لوٹ کر فرار ہوگئے۔

یونیورسٹی روڈ جامعہ کراچی کے قریب پیر کے دن جوس کی دکان پر ڈکیت نے دھاوا بول کر دکاندار اور عملے کو یرغمال بناکر نقدی اور موبائل فون چھین کر فرار ہوگیا، دکاندار نے ڈکیت کی سی سی فوٹیج میڈیا اور سوشل میڈیا پر وائرل کردی سی سی فوٹیج میں دیکھا جاسکتا ہے کہ ڈکیت پولیس کی پینٹ اور ٹی شرٹ پہنے ہوئے ہے چہرہ چھپانے کے لیے ہیلمٹ لگایا ہوا ہے۔

سی سی فوٹیج ٹی وی چینلز پر نشر ہونے کے بعد ڈکیت نے پیر کی رات دوبارہ جوس کی دکان پر دھاوا بول کر عملے اور دکاندار کو یرغمال بناکر لوٹ مار کے بعد دھمکی دی کہ تم نے میڈیا اور سوشل میڈیا پر میری سی سی ٹی وی فوٹیج کیوں وائرل کی۔

فوٹیج دیکھ کر مجھے غصہ آگیا اسی وجہ سے دوبارہ واردات کرنے آیا ہوں اب دوبارہ وڈیو وائرل کی تو اس کا انجام اچھا نہیں ہوگا ڈکیت اکیلا ہی واردات کرتا ہے اور اس کی موٹر سائیکل پر رجسٹریش نمبر بھی پولیس کی طرز پر لگا ہوا تھا دکاندار خوف زدہ ہونے کی وجہ سے اب اس نے سی سی فوٹیج میڈیا کو دینے سے انکار کردیا ہے۔

مکینوں کا کہنا ہے مسلح ڈکیت علاقے میں خوف کی علامت بنا ہوا ہے ایک دن میں 8 سے 10 دکاندارں کو لوٹ کر فرار ہوجاتا ہے پولیس اسے پکڑنے میں ناکام ہے۔

About Express News

Avatar

Check Also

پاکستان اور ایران کے درمیان اہم یادداشتوں پر دستخط –

پاکستان اور ایران کے درمیان سرحدی تجارتی مراکز کھولنے سے متعلق یادداشتوں پر دستخط کر …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے