لاہور: (05 جولائی 2020) ریلوے انتظامیہ نے لاہور اور کراچی کے درمیان چلنے والی شالیمار ایکسپریس کو بند کرنے کا فیصلہ کرلیا۔
لاہور براستہ فیصل آباد کے درمیان چلنے والی ٹرین شالیمار ایکسپریس کو 15 جولائی سے بند کردیا جائے گا۔ ذرائع کے مطابق شالیمار کی جگہ کراچی سیہون شریف سیکشن ایم ایل ٹو پر موہنجو داڑو ٹرین کو بحال کرنے کا فیصلہ کیا گیا ہے۔
شالیمار ایکسپریس ٹرین سے صبح کے اوقات میں لاہور سے بذریعہ فیصل آباد، ملتان، لودھراں، رحیم یار خان، بہاولپور، سمہ سٹہ، نوابشاہ، حیدرآباد سے کراچی جاتی تھی۔
شالیمار ایکسپریس کی بندش پر تاجر برادری اور مسافروں میں تشویش کی لہر دوڑ گئی ہے تاہم ریلوے انتظامیہ نے شالیمار ایکسپریس ٹرین کو بند کرنے کیلئے رپورٹ تیار کی ہے۔
ٹرین کو بند کرنے کا فیصلہ وزیر ریلوے کی زیر صدارت اجلاس میں کیا گیا تھا۔
