لاہور شہر میں تندور مالکان نے روٹی اور نان کی قیمتیں بڑھا دیں۔
تندور مالکان کے مابق سادہ روٹی 8 روپے، خمیری روٹی اور نان کی قیمت 12 روپے مقرر کی گئی ہے۔
صدر تندور ایسوسی ایشن آفتاب گل کا کہنا ہے کہ آٹے کی قیمت میں اضافے کی وجہ سے روٹی اور نان کے نرخ بڑھائے، ہمیں جس قیمت پر آٹا ملے گا اسی پر روٹی اور نان فروخت کریں گے۔
دوسری جانب فلور ملز مالکان نے وزیر اعلیٰ پنجاب عثمان بزدار کی طے کردہ قیمت میں آٹا بیچنے کے احکام کو ماننے سے انکار کردیا ہے۔
چیئرمین پاکستان فلور ملز عاصم رضا کا کہنا تھا کہ ہمیں گندم اجراء کی سرکاری پالیسی منظور نہیں، ہم بازار سے مہنگی گندم خریدنے پر مجبور ہیں جس کے باعث 20 کلو آٹے کے تھیلے کا ریٹ 1030 روپے ہی ہو گا۔
انہوں نے کہا کہ محکمہ خوراک نے کوئی وعد ہ پورا نہیں کیا، اسی لیے آٹے کی قیمت کم نہیں کر سکتے۔
