معروف یوٹیوبر کو زندہ دفنا دیا گیا، 2 دن بعد واپسی (کمزور دل افراد ویڈیو نہ دیکھیں)

واشنگٹن: امریکا کے مشہور یوٹیوبر جِمی ڈونلڈسَن نے ایک مرتبہ پھر ایڈونچر سے بھرپور ویڈیو بنائی جس میں انہیں تابوت میں ڈال کر زندہ دفنایا گیا۔

غیرملکی خبررساں ادارے کی رپورٹ کے مطابق ‘مسٹربیسٹ’ کے نام سے مشہور جمی ڈونلڈسن نے اپنے مداحوں کو ورطہ حیرت میں ڈالنے کے لیے مدفن ہونے کا فیصلہ کیا جس کے بعد ان کے دوستوں نے انہیں تابوت میں ڈال کر مصنوعی قبر میں دفنا دیا اور پھر دو دن بعد(تقریباً 50 گھنٹے) نکالا گیا۔

مسٹربیسٹ کی 50 گھنٹوں تک قبر میں رہنے کی ویڈیو بہت وائرل ہوئی جسے اب تک 50 ملین سے زائد لوگ دیکھ چکے ہیں۔ اس منفرد ویڈیو میں وہ قبر سے اپنے دوستوں سے بات چیت کرتے بھی دیکھے جاسکتے ہیں۔

تابوت میں بند جمی براہ نے راست اپنے دوستوں کو حال احوال سے آگاہ کیا۔ ویڈیو میں انہیں مذاق کرتے ہوئے بھی دیکھا گیا۔ اس خطرناک ویڈیو کا تجربہ ان کے لیے خوف ناک بھی رہا، یہی وجہ ہے کہ ویڈیو کے اختتام پر ان کی آنکھوں میں آنسوں آگئے اور یقین کرنا مشکل ہوگیا کہ انہوں نے 50 گھنٹے قبر میں بتائے ہیں۔

خیال رہے کہ امریکی یوٹیوبر نہ صرف ویڈیو شوٹ کرتے ہیں بلکہ لوگوں کی مدد کے لیے بھی فلاحی کاموں میں بڑھ چڑھ کر حصہ لیتے ہیں۔ جمی ڈونلڈسن کے امریکا سمیت دنیا بھر میں چاہنے والے بستے ہیں۔

Comments

About Ary News

Avatar

Check Also

وزیر داخلہ شیخ رشید کی کوئٹہ دھماکے کی مذمت – Ummat News

وفاقی وزیر داخلہ شیخ رشید احمد نے کوئٹہ میں سرینا ہوٹل کی پارکنگ میں دھماکے اور ہلاکتوں کی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے