پارک شدہ گاڑی کے نیچے سے خوفناک مگر مچھ برآمد –

گھر سے نکل کر اپنی گاڑی تک جانا اور بیٹھ جانا ایک معمول کا عمل ہے لیکن اگر اس گاڑی کے نیچے سے کوئی خوفناک شے نکل آئے تو یقیناً یہ ایک غیر معمولی واقعہ بن سکتا ہے۔

ایسا ہی کچھ ایک امریکی شہری کے ساتھ ہوا جس کی پارک شدہ گاڑی کے نیچے سے ایک مگر مچھ نکل آیا۔

ریاست فلوریڈا میں پیش آنے والے اس واقعے میں مقامی پولیس کو ایک کال موصول ہوئی جس میں شہری نے بتایا کہ اس کی گاڑی کے نیچے ایک 10 فٹ لمبا مگر مچھ موجود ہے۔

کال کے بعد ڈپٹی شیرفس اور وائلڈ لائف اہلکار فوراً موقع پر پہنچے، وائلڈ لائف اہلکاروں نے پولیس کے ساتھ مل کر اس 10 فٹ سے بھی زیادہ لمبے مگر مچھ کو احتیاط سے باہر نکالا۔

مگر مچھ کو قریب واقع ایلی گیٹر فارم پر منتقل کردیا گیا، واقعے کے دوران مگر مچھ یا کسی شخص کو کوئی نقصان نہیں پہنچا۔

Comments

About Ary News

Avatar

Check Also

پاکستان اور ایران کی سرحد پر تیسری مارکیٹ کھول دی گئی

فوٹو: ایرانی میڈیا پاکستان اور ایران کی سرحد پر تیسری مارکیٹ کھول دی گئی ہے۔  …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے